Januarie 1959 was ‘n gewone Maandag, soos elke ander Maandag. Dit was egter ook die begin van ‘n nuwe skooljaar.  In die Noordweste van die stad – in ‘n voorstad wat kort daarna as Randburg bekend sou staan – het 128 Afrikaanse kinders in die woobuurt Robindale by hul nuwe skool opgedaag: Robindale Laerskool.

Die waarnemende hoof, mnr. P.W. van Opperman, en vier van sy assistente het die kinders verwelkom. 

Die grade en leerlinge was soos volg versprei:

• 39 kinders in graad 1,
• 21 in graad 2,
• 27 in standerd 1 (Gr 3),
• 18 in standerd 2, Gr 4)
• 14 in standerd 3 (Gr 5), en
• Slegs 9 in standerd 4 (Gr 6).

Daar was op hierdie dag geen standerd vyf (Gr 7)-leerlinge nie. Boeke en toerusting was ook nie dadelik beskikbaar nie, maar die skoolgebou self was gereed – teen ‘n prys waarvoor vandag net ‘n klein huisie gekoop sou kon word. 

Die skool het bestaan uit drie blokke:

1. Administratiewe blok en saal
2. Tweede blok: Twaalf klaskamers, ‘n biblioteek en kleedkamers
3. Derde blok: Vier klaskamers – twee vir graad 1 en twee vir graad 2

In die eerste bestaansjaar moes daar besluit word oor ‘n kenmerkende skooldrag. Die keuse het geval op koningsblou baadjies, grys winterrokkies, ougoud somerrokkies, en grys broeke en blou hemde vir die seuns.

Die skool het steeds ‘n naam nodig gehad. In 1960, Uniefees jaar, is die skool amptelik herdoop na Laerskool Unika.  Aan die einde van die tweede kwartaal was die skool volledig ingelyf met sy nuwe naam, wapen en skooldrag.

Ons leuse: 

“ONS BOU!”

Die skoolwapen se simboliek:

• Hande: Simboliseer vriendskap en hulp aan almal
• Bybel: Die fondament van geloof, met ‘n opkomende son in die agtergrond.
• Troffel: ‘n Teken van bouwerk, steen vir steen, geplaas op die kaart van Suid-Afrika.
• Hierdie simboliek word versterk deur die teks van Psalm 127: “As die Here die huis nie bou nie…”

In 1992 word die Laerskool Randburg deel van Laerskool Unika op ons huidige terrein toe die twee skole saamgesmelt het. Die begin van  ‘n ware gemeenskapskool vir die Randburg omgewing.  

Welkom by die webtuiste van Laerskool Unika! Jou unieke skoolervaring.